ناوي تعمل ايه (الدكتور اسماعيل يحاور ابنائه الاعضاء )

سيندريلا تجاره كتب:

السلام عليكم ورحمه الله وبركاته

تحياتي للدكتورنا العظيم د/اسماعيل

وكل اخواتي واخواني الاعضاء

اسفه جدا اني اتاخرت في المشاركه في الموضوع الجميل ده

بس لحسن حظي ان نور نبهتني ليه

ميرسي يا نور

وردا علي سؤال حضرتك يا دكتور

اولا انا قبل ما اسال نفسي انا ناويه اعمل ايه بعد التخرج لازم اسال نفسي لازم اعمل ايه علشان اتخرج ومش تخرج ان شاء الله يكون تخرج مشرف ليه ولاهلي

وخاصه اني لسه الفرقه الاولي ولسه بحط رجلي علي اول الطريق

طبعا المستقبل بايد ربنا سبحانه وتعالي بس ان شاء الله ناويه بعد التخرج ان يكون ربنا اكرمني بتقدير عالي واقدر اشتغل في وظيفه كويسه في بنك او في شركه

ولو ربنا كرمني بعد كده وقدرت اسافر للخارج يبقي كرم من عند ربنا

بس ان شاء الله انا واثقه ان ربنا هيكرمني لان ربنا مش بيضيع تعب حد

وكمان لاني لما بعمل حاجه ببقي عايزه من وراها اولا رضا ربنا عليه وابتغاءا لمرضاته

ثانيا رضا اهلي اللي تعبوا معايا كتييييييييييييييييييير اوي ومهما عملت مش هقدراوفي جمايلهم عليه وتعبهم معايا

ثالثا رضيا عن نفسي وتحقيق ذاتي

واسفه اني طولت كده

بس انا ليه الشرف اني اتكلم مع حضرتك يا دكتور

والسلام عليكم ورحمه الله وبركاته

medo radwan كتب:الاول شكرا على ردك يا دكتور

انا معاك يا دكتور بس كل سن له تفكير انا كنت قولت فى ناس فى كليه تجارة اشتغلت قبل كدة بس وقت قليل بس الغالبية ما يعرفش ايه نظام الشغل
والحياه العملية تختلف عن الحياه الدراسية
فالواحد هيتعلم من الحياه العمليه اكتر وبكدة لازم تفكيره يتغير انا معاك ان الواحد ممكن ياخد حقوق بعد تجارة وهيكون محاسب قانونى
بس هل الواحد ممكن يفكرة كدة وهو فى تجارة وما يعرفش هو هيشتغل ولا لا
اكيد مش هيعرف قيمة دا الا لما يتخرج من تجارة
ويعرف ان الحاجة دى مهمى

ممكن تلاقى اتنين فى نفس المرحلة العمرية وواحد تفكيرة ناضج عن التانى لأنة بينمى هذا التفكير من خلال الاطلاع والدراسة والمعرفة

medo radwan كتب:اكيد بس مش الواحد بيدرسها فى اى وقت ولا ايه رايك
يعنى انا مش هعرف نظام المحاسب القانونى دلوقتى لان حضرتك قولت انا الواحد هيتسع فى معرفته عند دراسة مادة المراجعة فى فرقة تالتة يعنى انا ما ينفعش ادرسها او اطلع عليها مثلا وانا لسة فى سنة تانية لازم اهتم بدراسة تانية الاول

انا عارف ان انا مضايقك بس اعذرنى
لان انا بفكر كتير جد فى مستقبلى وللاسف كل وقت له تفكيره وفى حاجات كتير جدا بتدور فى دماغى

شريف الصعيدى 22 كتب:موضوع هايل يااحسن دكتور فى الكليه والبقاء لله مره اخرى

حضرتك والله يادكتور مشكلة الواحد انه مش عارف هوه ناوى على ايه وديه انا مش عهارفلها اى حل بس ممكن دلوقتى بعد فوات 3سنين على التخرج بدأت افكر
يعنى حاليا بحضر ماجستير وبشتغل كمان
وان شاء الله هاسافر للسعوديه السنه القادمه اذا لم يتوافر ليه فرصة عمل فى احدى الجامعات
اخويه هوه اللى هايبعتلى ان شاء الله لانه خلاص هيسافر بعد العيد مباشرة

ارجو سماع وجهة نظر حضرتك

ramyfadda كتب:

سم الله الرحمن الرحيم

شكرا جدا يادكتور على السؤال دا فعلا دا اهم سؤال فى حيتنا

اولا وثانيا وثالثا واخيرا التقرب اللى الله دا اهم حاجة وانى اتقى الله دى اهم حاجة فى حياتى لائن طول ما انا بتقى الله يبقة ان شاء الله ربنا هيسهلى حياتى كلها وهبقى على الطريق الصحيح باذن الله

وبالنسبة للحياة بقة اولا الدراسه واركز فيها كويس واخلص الدراسه ان شاء الله على خير

وثانيا اسافر على طول برة مصر طبعا مش كرها فى مصر

بس هنا فى مصر مش هلاقى شغل يرضى طموحى وان لاقيت يبقة هشتغل اكتر من 12 ساعة فى اليوم بضمير ومش هلاقى قد تعبى دا بمعنى اخر (مش هيقدرو مجهودى ) وطبعا اهم حاجة فى نجاحى فى اى وظيفة انى احبها وانا هحبها ازاى من مثلا المعملة الحسنة وتقدير مجهودى .......والخ

انما بقة برة مصر ودا طبعا عن معرفة تامة لائن اخواتى برة مصر بجد بيدوك حقك وبزيادة كمان طول ما انت بتجتهد معاهم وبتشتغل بضمير معاهم بجد بيقدروك جدا على شان كدة انا تفكيرى كلة برة وبعد ما اسافر ان شاء الله احقق نفسى بقة وابدء احقق كل اللى كنت بتمناة

وبصراحة انا بتمنى حاجة مجنونة بتمنى اكون (امبراطوريه ) لائن انا طموحى فوق جدا واتمنى من ربنا انى احققة

وطبعا ربنا يهدينى اللى الزوجة الصالحة وان شاء الله الزريه الصالحة

واسف انى طولت عاليكم

وشكرا جدا يادكتور

[/size]

mido.torky كتب:(انا بشكرك يادكتور اسماعيل على الموضوع ) انا كنت عايز اوضح حاجة يادكتور بالنسبة للمستقبل الوظيفي ان طول ما الانسان بيسعي بضمير اكيد ربنا مش هيهمل فية ويكون ثقتة بالله جامدة اكيد لازم يوصل في الاخر للي هو عايزة ولازم يكون الواحد عندة ايمان بالله اولا وميحولش ييأس

noor كتب:بس دكتور انا في تساؤل فكرت فيه وانا بحاول اني اوصل للتكير الاستراتيجي اللي حضرتك

قلت عليه

هو المفروض الانسان يحاول يعمل اللي بيحبه ولا يتكيف مع الواقع بتاعه

يعني المفروض نفضل نحاول نحقق احلامنا ولا ممكن نغيرها في وقت معين في حياتنا ؟