ناوي تعمل ايه (الدكتور اسماعيل يحاور ابنائه الاعضاء )

noor كتب:الحقيقة يا دكتور فعلا على الرغم من بساطة السؤال الا ان الاجابة احيانا بتكون صعبة اوي

بس الحقيقة انا ناوية بكره انه باذن الله اركز في امتحاناتي وكمان الاسبوع اللي


جاي

اتمنى السنة ديه انه اقدر اجيب تقدير كويس ويارب اقدر ارفع تقديري التراكمي

كمان ان شاء الله السنة ديه ناوية بأذن الله اكمل كورسات الانجلش والحقيقة حابة اخد التويفيل

toefl في اجازة اخر السنة

وان شاء الله ناوية اخد كورس محاسبة اليكترونية في خلال السنة ديه لانه كان نفسي من فترة

اتعلم البيتش تري والحمد الله توفرلي انه اتعلمه في شبين

و حلم ليا يا دكتور اني احضر دبلومة ادارة أعمال

وليد عرفة كتب:واللة يا دكتور احيانا الواحد بيكون ماشى فى طريق ولو انة حاطط عينة على طريق تانى
يعنى انا مثلا رغم انى كان نفسى اتخصص فى الادارة لانى بجد بحبها ولكنى تخصصت فى المحاسبة لانها هتكون بداية الطريق والمفتاح الى هيساعدنى عل فتح الباب امام المستقبل الى انا بتمناة
وهدفى الكبير الخدمة العامة
بجد نفسى اكون حاجة عشان اقدلر اغير الاخطاء الى انا شيفها وافيد بلدى وافيد اهلى وكل الناس
وانا حاطط قدامى هدف انى اكون رجل اقتصاد واعمل بالسياسة

OOBAMA كتب:انا بجد نفسى اعمل فى مجال البنوك بصفة عامة والبنك الاهلى خاصة بس معرفش اية الموهلات اللى الواحد يتاهل بيها لوظيفة فى مجال البنوك

مع ان الوظيفة فى الاماكن الجيدة تحتاج الى وسطة دائما
اما الباقيين الذين ليس لديهم نوع من الواسطة فعليهم تاهيل نفسهم تاهيل فوق المطلوب
واقدم سوال الى الدكتور اسماعيل عصر اية المطلوب للتاهيل الى العمل بمجال المحاسبة فى البنوك
وانا على مستواى الشخصى كنت فى معهد فنى تجارى والتحقت بالجامعه
كما كان هناك مسابقة فى احد البنوك وتقدمت اليها لاكن لااعرف كيف تجرى المقابله فى البنوك
ارجوا الافادة من د/ اسماعيل ومن له معرفة بذالك

the police man كتب:ازيك يت دكتور اسماعيل منور المنتدى حضرتك
انا علاء
فرقة تانيه
كنت عايز اسألك حضرتك سؤال غريب شوية

(ازاى أوصل و أبقى زى حضرتك يا دكتور)
يعنى اعمل اية علشان ابقى دكتور فى الجماعة وعلشان امسك منصب مرموق بعد كدة كأحد عملاقة الجامعه وليكن مثل الاستاذ الدكتور جمال الدين مرسى

Genius كتب:

انا ان شاء الله بجهز لامتحانات اعمال السنه وبعديها امتحانات نصف العام
وان شاء الله ناوى بعد ما اخلص الدراسه فى الكليه
ناوى اخد طبعا الــ ICDL وان شاء الله كل قرصات الانجلش
وهاخد دوره تدريبيه كامله فى كل ما يختص بصيانه الكمبيوتر
والحمد لله انا فى كل اجازه دراسيه بمسك محل صيانه كمبيوتر بتاع قريبى
بحاول اكتسب اكبر قدر من الخبره فى الصيانه
وربنا يوفقنى فى مشوار حياتى
وشكرا لحسن اهتمامك بالطلبه يا كتور إسماعيل

دكتور اسماعيل عصر كتب:ناوى تعمل أيه

كلمات بسيطة ولكنها قد تحمل معانى كثيره بل وربما أكثر مما نتصور
ناوى تعمل ايه النهاردة
وناوى تعمل ايه بكرة
وناوى تعمل ايه الاسبوع القادم
وناوى تعمل ايه الشهر القادم
وناوى تعمل ايه بعد سنة
وناوى تعمل ايه بعد عشر سنين
هل فكرت لو أنك دلوقتى فى العشرين من العمر يعنى بعد عشر سنوات حتكون فى التلاتين هتعمل أيه علشان لما توصل سن الثلاثين تبقى ايه
هل فكرت فى هذه الأسئلة وحاولت تكتب اجابات عنها وهل ناقشت أحد فى هذه الاجوبة
ليه بنهرب من سؤال بسيط جدا
أنت ناوى تعمل أيه ؟؟؟؟؟؟؟؟؟؟؟؟؟؟؟؟؟

noor كتب:

فعلا المغزى من القصة عميق

ولكن للأسف يا دكتور سؤال حضرتك كشف لي حقيقة اني عمري ما خططت لحياتي للمدى

الطويل وان تحديد هدف واضح ومحدد مش مسألة سهلة

TiME_OUT كتب:السلام عليكم ورحمةالله وبركاته



والله يادكتور كلام حضرتك جميل خالص..ويخلى الواحد يرجع بتفكيره كده..ويشوف هو بيعمل ايه وهيعمل ايه ..حلو ان الواحد يبقى عنده طموح..ويفتح عينه عشان يشوف المستقبل وايه اللى ممكن يعمله فيه.وإزاى يبقى حاجة فى المستقبل وازاى يفيد نفسه واللى حواليه فى يوم من الايام

بس اكتر حاجة مهمة دلوقتى بالنسبالى.ان انجح ان شاءالله وأعدى ..ونفسى ادخل قسم تأمين ..بس مش عارفة بيقولو انه مش بيتفتح ..بس ربنا يسهل وعلى ماابقى فى رابعة يكون فتح ودى تبقى اول خطوة فاللى هعمله ان شاءالله

Shab el_Deen كتب:حضرتك يا دكتور ناوى تعمل اية؟ لو حصلت على جائزة نوبل