ناوي تعمل ايه (الدكتور اسماعيل يحاور ابنائه الاعضاء )

thoma21 كتب:مساء الخير دكتور اسماعيل واسف على التاخير ولكن والله كان عندى ظروف فى البيت

مساء الخير ياثوم السؤال بتاع الموضوع واضح مش بيتكرر : ناوى تعمل أيه ، شوف القصة اللى رفعت النهاردة وجواب على السؤال

وناوى تعمل ايه علشان تبقى رجل التجارة ثم الصناعة ( لانة بدأ بالتجارةثم اصبح يمتلك أكثر من مصنع ) الحاج محمود العربى

واضح ان جوهر الفكرة المطروحة للكثير لم تتضح بالقدر الكافى تعالوا نتعرف عليها أكثر من خلال هذه القصة التى حدثت فعلا
شاب تخرج من كلية التجارة وحصل على وظيفة فى أحد البنوك ، بعد سنتين جاءت له فرصة السفر لأحدى بلدان الخليج حيث التحق باحد البنوك هناك واستمر فى هذا العمل ما يقرب من 20 سنة طبعا استقال من الوظيفة فى مصر وعاد بعد 20 سنة لأن ابناءه وصلوا مرحلة التعليم الجامعى واستطاع خلال هذه السنوات ان يكون ثروة لا بأس بها ، وامتلك عمارة من ستة ادوار كل دور أربع شقق الارضى محلات والأول سكن خاص له واحتفظ بباقى هذا الدور لأبناءة والباقى سكن وفقا للقانون الجديد
وبدء يعانى من الفراغ الابناء يخرجون الى الجامعة صباحا وفى المساء مشغولين بدراستهم ويجلس طوال اليوم هو وزوجته (لاحظوا انه فى الاربعينيات من العمر ) يوم بعد يوم بدء الحوار بينهم يتحول إلى ملل ثم شجار ، يهرب من البيت يجلس أمام العمارة يتشجار مع السكان انت ضيوفك كتير والفروض تتحمل الضعف فى نظافة السلم والتانى اولادة بيحطوا الدراجات بتاعتهم فى المدخل ودة مش اسلوب
فى النهاية شعر بأنه ليس له قيمة مجتمعية يبقى احسن حاجة يشتغل (ناوى تعمل أية )
وجاء يسأل : انا عايز اعمل فى أى شغلانة لانى حاسس بملل
جـ: عايزشتغل فى أى حاجة
س: وانت بتعرف فى أية ؟؟
جـ/ طول عمرى شغال فى البنوك
س: ملكش خبرة فى حاجة تانية ؟
جـ/ عندى الدور الارضى فى العمارة ممكن استغله فى أى حاجة
س: يعنى ممكن تعمل فية مكتبة أو مطبعة أو حتى محل فول وطعمية
جـ/ بس أنا معنديش فكرة بهذه المجالات ، كل خبرتى فى مجال البنوك
س: يبقى احسن حاجة تفتح بنك أيه رأيك ؟؟
ج: أنا بسأل بجد مش تهريج
س: يعنى انت ناوى تعمل أيه
جـ: انا جاء اسألك أعمل أيه تقوم تسألنى انت ناوى تعمل أيه
س: انت عارف مين اللى ممكن يجاوبك على السؤال دة ؟
جـ/ مين
انت الوحيد اللى ممكن نجاوب على نفسك وتقول لها انت ناوى تعمل أيه
على فكرة القصة دى مش من الخيال دى حصلت فعلا وانا كنت احد أطرافها[/quote]

انا كتبت لحضرتك انا بفكر لنفسى فى ايه فى خلال الاعوام القادمه فى مشاركه فى الموضوع
بينما انا مخطط لحياتى انى اكون صاحب اكبر موقع ثقافى علمى فى الشرق الاوسط وملحق بهذا الموقع منتدى يضم اكتر من بليون شخص بيناقشوا الامور العلميه فيه والامور الاقتصاديه بمصر
انا كنت فاهم حضرتك من البدايه ولكن حبيت ان امشى تدريجى احلامى لان الانسان مش بينط فى حلمه حتى السلم كله لازم العمليه تمشى تدريجى والا انا غلطان

لازم يا هيثم التفكير يكون فى إطار التخطيط

انا عارف ان المقصود من الموضوع حاجة غير اللى انا كاتبها بس معلش استحملونى لانى خلاص جبت اخرى
انا نفسي اطلع برة البلد دى مش كره فيها بس والله يا جماعة دلوقتى اى تجمع مع اصحابي بنتكلم ف امور دينيه وطبعا الواحد من اللى بيشوفو خلاص حاسس ان الناس تاهو ف دوامة الحياة او نتكلم فى اللى بيحصل ف البلد ف كافة الامور لغايه مالواحد خلاص جاب اخرو ومبقاش طايق البلد من اللى بيحصل فيها

أوعي تسيب مصر يا هيثوم ....

لو لم أكن منوفياً لوددت أن أكون منوفياً مع احترامي لمصر كلها ؟

شبح النت كتب:

انا ناوى ابدأ طريقى صح
واتجه الى الله
والتزم بدينى
وربنا ان شاء الله هيوفقنى

اما مستقبليا

انا ناوى اتجوز واقعد جنب ابويا
فى الارض واساعده
او اشتغل مع اخويه محاسب
بس دا طبعا لما اتخرج

واضح ياشبح ان طموحك محدود جدا ،

مساء الخير يا دكتور ويجد الموضوع يعتبر من اهم المواضيع فى حياة البنى ادم ولازم يساله لنفسه قبل اى حد وشكرا

بس انا كنت عاوز اضيف حاجة قبل السؤال ده
المفروض الواحد يسال نفسه فى الاول هو انا عملت ايه
عشان يعرف هو عاوز يعمل ايه او ايه اللى لازم يعمله فى حياته

شكرا يا شباب على مشاركتكم ومروركم
السؤال ذى نور ما وضحت يبدو بسيط وسهل لكن فيه قصة بسيطة انا رفعتها على الموضوع انت ناوى تعمل ايه مش بس النهاردة ولا بعد سنة ولا عشر سنين
طبعا ممكن حد يقول كل شئ نصيب وكل حاجة مكتوبة لكن احنا كدا بسيب نفسنا للقدر
ولابد أن الواحد يكون عندة تفكير استراتيجى يعنى ما نفكرش لبكرة مفيش حد فى رأي دخل كلية التجارة غصب عنة لكن دى كانت احد البدائل المطروحة وبهد التجارة ناخذ بكالوريوس محاسبة وبعد دة
بداية التفكير الاستراتيجى ياشباب أن الواحد يكون عنده رؤية ويحاول يحقق هذه الرؤية
ممكن أسأل تانى :
ناويين تعملوا أيه؟؟؟؟؟؟

انا بقى ناوى ان شاء الله اشتغل محاسب فى اى شركه علشان يكون عندى خبره وبعد كدا ان شاء الله اتقدم لشركه كبيره تقبلنى ولو مانفعش يبقى مفيش حل غير السفر او ادور على اى واسطه علشان اشتغل حاجه كويسه ايوه واسطه ماهى البلد كلها كدا

انا عن نفسى ما دخلت كلية التجارة بمزاجى كان فى بدائل قدامى بس كليات خاصة
بس الواحد لازم يكيف نفسه مع اللى اتكتبله
لان ربنا عاوز كدة
فقبل ما الواحد يقول هو ناوى يعمل ايه
يشوف الاول الكلية اللى هو فيها المفروض يتعمل ليها ايه
دا الطبيعى عشان نظام الشغل
فا ما ينفعش الواحد يقول انا عاوز ابقى محامى وهو فى كلية تجارة..... دا مثلا
يعنى انا دلوقتى لازم اقول اول حاجة المفروض اعملها مثلا انا فى كلية تجارة فالطبيعى ان انا اقول انا ناوى اتخصص رايضة واحصاء وتامين
وبعد كدة اشوف ايه اللى ممكن يفيدنى واعمله لان مش اى حاجة تبقى مفيدة فا لازم تكون عن تفكير لمتطلبات السوق من احتياجاته الللى هتخلى الواحد مهيئ لكدة
وبعد كدة لازم الواحد يكون معاه لغة ولازم الكمبيوتر حتى لو كان معاه معهد
فعلى ما اعتقد يا دكتور ان الاجابة مش بسيطة على الاقل بالنسبة لنا ان احنا ما دخلناش فى تجارب قبل كدة
واكيد الواحد لازم يستفيد من كل حاجة بيعملها اذا كانت صح او غلط

eslam55555 كتب:انا بقى ناوى ان شاء الله اشتغل محاسب فى اى شركه علشان يكون عندى خبره وبعد كدا ان شاء الله اتقدم لشركه كبيره تقبلنى ولو مانفعش يبقى مفيش حل غير السفر او ادور على اى واسطه علشان اشتغل حاجه كويسه ايوه واسطه ماهى البلد كلها كدا

شكرا يااسلام على مشاركتك
وبعد ما تلاقى الواسطة وتشتغل فى شركة كبيرة أو تسافر برة وتجيب فلوس كتير ناوى تعمل ايه ؟؟؟؟؟
ارجوا متابعة القصة المرفوعة على الموضوع
تحياتى

medo radwan كتب:انا عن نفسى ما دخلت كلية التجارة بمزاجى كان فى بدائل قدامى بس كليات خاصة
بس الواحد لازم يكيف نفسه مع اللى اتكتبله
لان ربنا عاوز كدة
فقبل ما الواحد يقول هو ناوى يعمل ايه
يشوف الاول الكلية اللى هو فيها المفروض يتعمل ليها ايه
دا الطبيعى عشان نظام الشغل
فا ما ينفعش الواحد يقول انا عاوز ابقى محامى وهو فى كلية تجارة..... دا مثلا
يعنى انا دلوقتى لازم اقول اول حاجة المفروض اعملها مثلا انا فى كلية تجارة فالطبيعى ان انا اقول انا ناوى اتخصص رايضة واحصاء وتامين
وبعد كدة اشوف ايه اللى ممكن يفيدنى واعمله لان مش اى حاجة تبقى مفيدة فا لازم تكون عن تفكير لمتطلبات السوق من احتياجاته الللى هتخلى الواحد مهيئ لكدة
وبعد كدة لازم الواحد يكون معاه لغة ولازم الكمبيوتر حتى لو كان معاه معهد
فعلى ما اعتقد يا دكتور ان الاجابة مش بسيطة على الاقل بالنسبة لنا ان احنا ما دخلناش فى تجارب قبل كدة
واكيد الواحد لازم يستفيد من كل حاجة بيعملها اذا كانت صح او غلط

على فكرة يا ميدو فيه أحد خريجى كلية التجارة دفعة 83 اقتصاد ورجع درس محاسبة فى سنة 93 وبعدين انتسب حقوق القاهرة وخد ليسانس حقوق واشتغل محامى وحاليا مستشار قانون لحدى الشركات الكبرة فى القاهرة وبيدرس حاليا دراسات عليا فى كلية الحقوق
مش معقول كل واحد يسيب نفسه للظروف ويوقل اللى ربنا رايده هو اللى هيكون لا بد أن نسعى وطبعا السعى مطلوب أنه يكون فى إطار معين علشان الواحد يقدر للهدف اللى بيفكر فية

الاول شكرا على ردك يا دكتور

انا معاك يا دكتور بس كل سن له تفكير انا كنت قولت فى ناس فى كليه تجارة اشتغلت قبل كدة بس وقت قليل بس الغالبية ما يعرفش ايه نظام الشغل
والحياه العملية تختلف عن الحياه الدراسية
فالواحد هيتعلم من الحياه العمليه اكتر وبكدة لازم تفكيره يتغير انا معاك ان الواحد ممكن ياخد حقوق بعد تجارة وهيكون محاسب قانونى
بس هل الواحد ممكن يفكرة كدة وهو فى تجارة وما يعرفش هو هيشتغل ولا لا
اكيد مش هيعرف قيمة دا الا لما يتخرج من تجارة
ويعرف ان الحاجة دى مهمى

اظن ان حضرتك ممكن تفتكرنى يادكتور انا اللى بعت لحضرتك على الخاص وقلت لك انى بشتغل باليل وفى وقت كبير بيضيع فى السكاشن ومن خلال خبرتى فى العمل وجدت ان كل شى ماشى بالواسطه يعنى فى زمايلى حصلو على عقود سفر تبع الشغل بالواسطه بالمعنى الاصح ان كل اللى بيحصل فى شغلنا بالواسطه طيب اعمل ايه بس اذا كان المجتمع كله كدا انا شغال من خمس سنوات كل حاجه بتتم فى الشغل لازم بالواسطه يعنى لازم المهندس يكون عارف مندوبين الشغل علشان الشغل يتم ودا بعد مايديهم الفلوس طبعا يبقى ليه مااشوفش واسطه واشتغل فى شغل محترم ودا مش هيحصل ان شاء الله الا لو فقدت الامل فى ان اجد عمل