نحن الان فى ضيافة الدكتور اسماعيل عصر

تذكير بمساهمة فاتح الموضوع :



]

اولا بنحب نرحب بالدكتور اسماعيل وسطنا وبنقوله متشكرين على تواجدك الدائم معانا
فكرة التوبيك يا دكتور ويا اعضاء منتدانا الغالى هو اسئله عامه عن حياة الدكتور اسماعيل عصر من الاعضاء
وانا اسمحولى انى ابداء الاسئله للدكتور اسماعيل

- الاسم بالكامل لحضرتك ؟

- ماهى بلد المنشأ لحضرتك ؟
- الدرجه العلميه لحضرتك ومنين حصلت عليها ؟

انا عايز كل الناس تضيف الاسئله وان شاء الله الدكتور اسماعيل هيرد علينا كلنا

اهلا بحضرتك يا دكتور


طبعا حضرتك درستلى قبل كده وكنت سعيد وزى ما قولت قبل كده انا التقيت بحضرتك واتكلمت مع حضرتك فى مناسبات كتيره لانى ليا نشاط داخل الكليه وهو الجواله

سؤالى الان حول موضوع مهم جدا وانا عارف ان كل الشباب عايزين يسالوه ياترى اول حالة حب عشتها فى حياة حضرتك كانت فى اى مرحله من مراحل حياتك ؟

انا اسف يا دكتور ان كنت بسال عن حاجات فات عليها زمن انا بس حابب انى اظهر الجانب الانسانى والشخصى من حياة الدكتور اسماعيل عصر

على فكرة انا اجاباتى مفيش فيها دبلوماسية ياثوما ولا حاجة بالعكس انا كل اجاباتى من القلب وانا بقول لك أنا فى حالة حب مستمرة المهم الحب ده أزاى ولمين ولا انت تقصد فترة المراهقة والواحد قاعد طول الليل يحب بنت الجيران اللى واقفة فى الشباك قصادة والصبح يكتشب أنها القلة محطوطة فى الشبك علشان المية تسقع طبعا دلوقتى انتشرت الثلاجات والناس بطلت تحط القة فى الشباك 0
اهم كلمة احب اقولها لطلاب كلية التجارة أن الحياه جميلة والمستقبل مشرق بس المهم انت فين من ده الحياه مش بس هزار ولعب وتكبير دماغ الانسان له رسالة لزم يؤديها واجمل شئ ان الواحد يحقق ذاته بنفسة وما يعتمش على حد لما الوالد يجب العربية والعروسة والشقة يبقى انت ايه دورك لازم الواحد يجتهد علشان يحقق طموحة

اهلا بيك يا دكتور /اسماعيل واللة انا سعيد ان حضرتك معانا فى المنتدى انا محمد الى كنت بكلم حضرتك فى موضوع رفع المحاضرات والسكاشن على المنتدى ياريت تكون فاكرنى
انا كنت عاوز ارد على سؤال هو لية احنا مسجلين فى المنتدى باسماء مستعارة؟
انا اول مرة ادخل المنتدى وجدت اسم حضرتك عضو فى المنتدى بصراحة انا حبيت ادخل اشترك فى المنتدى علشان فى اسئلة كتير نفس اقولها لحضرتك عن طريق المنتدى مينفعشى اسئل اى دكتور فى الكلية لان المبنى الخاص بمكات الدكاترة بالنسبة لى(منطقة خطر الموت)ممنوع الاقتراب او اللمس مش عارف بخاف اسأل الدكاترة لية فأنا سجلت فى المنتدى باسم مستعار قولت فى بالى انا ممكن اسأل الدكتور سؤال ميعجبوش فخفت فقلت احمى نفسى باسم مستعار بس بجد لما كلمت حضرتك واللة مش عارف حسيت انك دكتور متفاهم فدة شجعنى انى اكلمك بصراحة فبجد انا بقول لاولادك انا ربنا اكرمهم انة اعطاهم اب متفاهم زى حضرتك انا حبيتك رغم انى لم اقابلك مقابلة شخصية وحضرتك لم تدرس لى بس بجد انا سعيد لما الاقى دكتور متفاهم مع الطلبة زى حضرتك
.......وعلى فكرة يا دكتور انا كنت بعت رسالة لرئيس المنتدى من اكتر من اسبوع انة يكتب على الصفحة الرئيسية للمنتدى زى دعوة من الطلبة بالتوجة بالدعاء للدكتور شبل البرى ان ربنا يشفية بس اهمل رسالتى وراح كتب موضوع عن افتتاح اسرة وانها سوف تقيم افتتاح بمدرج (ج)ومن فقرات الحفل فقرة عن الاغانى بجد انا زعلت اوى انا الموضوع دة اهملوة وكمان زعلت من الدكتور سيد طة لانة كان مشارك فى هذا الافتتاح انا كنت شايف ان دعوة صغيرة على المنتدى اقل حاجة نتقدمها للدكتور شبل مش اسرة هدفها الاول هو الربح عن طريق مركز دورات بجانب مجمع الكليات بجد انا زعلان جدا ياريت تقولى راى حضرتك
انا اسف على الاطالة وشكرا يا دكتور .ابنك محمد

ربنا يخليها لحضرتك يا دكتور طب احنا نسيب الدكتور دلوقتى علشان احنا كده سهرانه اكتر من اللازم مع الوعد غدا ان شاء الله بمزيد من الاسرار والمعلومات عن حياة الدكتور / اسماعيل عصر

انا بشكر كل من ساهم فى هذه الاستضافة واستأذنكم لأن عندى محاضرة باكر فى تجارة السادات
كل الشكر والتقدير لكم جميعا
والسلام عليكم ورحمة الله وبركاتة

شكرا الى كل من شاركنى فى حوار الاب والاستاذ الدكتور / اسماعيل عصر مع وعد منه ان نكمل الحوار غدا

المشرفين موجودين يا دكتور وسيتم تعديل الساعه ان شاء الله غدا

اولا انا بشكر الدكتور اسماعيل على المشاركة معنا وبشكر العضو.thoma
وياريت تقولى رايك فى الموضوع الى عرضتة على الدكتور

اكتفي بالصمت

مساء الخير ياهيثوم

جاهز