أقولكم على حاجة أنا لما لقيت الإقبال على القسم دا بالذات
قولت أنفذ فكرتي
لإني كنت بدورلها على مكان تبتدي منه
المهم
الفكرة إن كل واحد في المنتدي يبتدي بتعريف نفسه ؟
و أحلامه بعد التخرج ؟
و أحلامه قبل التخرج ؟
و حقق إيه من أحلامه لحد دلوقتي ؟
و إيه فشل فيه ؟
و إيه شكل حياته ؟
و إيه شكل قبله ؟
و بكدا نبقي دخلنا مع بعض أكتر و عرفنا بعض أكتر و بكدا هانقرب من بعض أكتر
و مش شرط كل واحد يقول على أسمه
كفاية إننا نعرف مين إللي ورا النك نيم دا و شخصيته عاملة إيه
و هابتدي بنفسي
أولا :- الأسم : محمد الفرقة :- الثانية
أحلامي قبل التخرج :-1- أشتغل و تم تحقيق هذا الحلم
2- أعيش قصة حب جامدة و حصل
3- أرتبط بالبنت إللي حبيتها محصلش
4- أنجح بتقديرات و أطلع معيد و محصلش
5- أنجح في حياتي الشخصية و السنة دي بس حصل
6- أقدر ألاقي ناس تحبني زي ما انا و حصل
أحلامي بعد التخرج:-1- أرضي ربي
2-أسافر للخارج و أشتغل هناك
3- أكون بيت له هدف
4- أنجح في حياتي
5- أغير في المجتمع إللي حواليا
6- أألف كتاب شعر
7- أألف قصص
8- أحضر ماجستير
9- أبني مستقبل كبير
10- أسعد شريك حياتي للأبد
11- أكون أب ديمقراطي
12- إني أصمم و أحقق كل الأهداف إللي فاتت
أما عن حياتي فأنا إنطوائي أحيانا خجول برضو أحيانا متناقض جدا ممكن أحب الحاجة و نقيضها في نفس الوقت
البرج برج الجوزاء يعني انا هوائي
مش مؤمن أي نعم إن الأبراج تعرف الغيب و لكن بمؤمن إنها دراسة لأنماط شخصيات على مر سنين يعني عبارة عن تجارب و بكدا أنا بصدق الأنماط فقط لأني بنفسي جربت دا
و بالنسبة لإعتقاداتي أنا مؤمن بالله أولا و رسوله طبعا
و مؤمن بالقوة الروحية إللي إداهلنا الله
و مؤمن بالحب
و مؤمن بالثقة بالنفس و إنها مفتاح النجارح
و مؤمن إن الخيال مفتاح الحريه
و مؤمن إن الصدق مفتاح أي قلب
و مؤمن بحاجة أخيرة إن بإذن الله الموضوع دا هايعجبكم
و محدش يتكسف كلنا منعرفش بعض إلا على المنتدي 
و تحياااااااااااااااااااااااااااااااااااااااااااتي لأحلى شباب
