مشكله خاصه بالتجسس على الاجهزه

ممكن اعرف ايه هو نظام الهكر والتجسس على الاجهزه
لان كان فى واحد بيتجسس على ايميل واحده زميله ليا ولما كلمتها كلمنى فى نفس الوقت وقال لى على الحوار اللى بيدور بينا وفعلا كلامه صح ولما لومته وقلت له انت بتعمل كدا ليه قال لى هعمل معاك انت كمان كدا وهتجسس على جهازك والنهارده فتحت الجهاز وبكلمها لقيتها بتقول لى ايه الموقع اللى انت بعته لى امبارح دا وقالت ان انا بعت لها موقع مش كويس وايميلى كان مفتوح امبارح طول اليل مع العلم انى كنت فى الشغل طول اليل امبارح ومحدش عارف الباسورد غيرى
ياريت لو حد عارف حاجه عن الموضوع دا يقول لى ويقول لى اعمل ايه علشان احمى جهازى
شكرا

شكلك وقعت مع واحد هكرواي ياكبير متخصص اختراق اجهزة

بس خدها مني محدش يقدر يخترق جهازك الا اذا كان بعتلك ملف مدمج بباتش وانته قبلته او
موقع ملغم بباتش وانته قبلته

وزي ما انته بتقول انه بيجيب الحوار بينكم يبقي اول حاجه اسالها ليك هل الشخص دا

علي الشبكة معاك او معاها لو في الحاله دي بيخترق عن طريق برامج اختراق الشبكة

اما لو متعرفش او هوا مش علي الشبكه يبقي هو بعت ليها ملف او موقع قبلته ملغم بباتش

او في طريقه تانيه بس صعبة جداااااااااااا وللمحترفين فقط وهيا الاختراق عن طريق الاي بي والكشف عن البورتات
ودا اختراق فعال ولكن قليل جدا ومحدش بيعرف يعمله الا محترفين الا حد ما
هيا مش صعبه اوي يعني طول ما معاه الاي بي
وكمان لو بتستخدم ايمل هوت ميل ياريت متقبلش من حد الصور الملونه زي انت _ الحمد الله_ صور ورد
اللي هيا اسمايلز واشكال للهوت ميل
في نظرك انها بسيطة لكنها بمجرد انك تقبلها وضفها للمجموعه عندك علي الهوت ميل انسي الايمل والجهاز

المهم انه لازم يكون في باتش موجود علي جهازك واحتمال لو انته بتستخدم
برنامج حمايه مهما كان نوعه احتمال يكون هو مشفره عن برامج الحمايه يعني دخل بسهوله
والحل انك تنزل نسخه فورا وبعدها تغير كافة باسورداتك

وبعد كدا متقبلش حاجه من حد الا اذا كنت تثق فيه
متحملش حاجه من مواقع الا اذا كنت تثق في الملف واللي واضع الملف
خلي الباسوردات طويلة وفيها رموز في بعض الاوقات دا بيكون صعب علي برامج الاختراق
ودي نصايحي للكل ولخبرتي في الهكر احب اقولكم وطبعا في ناس هتخاف من المستوي ده
ان في ناس وصلت لمرحله انهم يعملوا باتشات غير مكشوفة لاكتر من 30 برنامج حماية
يعرفوا اوامر كتير جدا في الدوس يعرفوا منها اي اي بي للمتحدث معاهم علي المسنجر
فالنصايح دي اكيد هتفدكم ان شاء الله

وعلي فكرة اكتر انا مش بستخدم اي برنامج حمايه انا بحاول اقفل البورتات في الجهاز
والثغرات فيه ومنزلش حاجه انا مش واثق فيها بس
ولو في تجديدات في الموضوع قولي عشان افهم هو اخترقك عن طريق ايه بالظبط
وان شاء الله اقدمك الحل
ومعرفش كلامي الكتير اللي انا قولته دا هيفيدك ولا لا بس

بلغني بالتطورات في الموضوع
وان شاء الله نلاقي حل

دا موقع من اللى هو بعته ليها من على الياهو وهو فاتحه وهى فتحته وانا كمان فتحته ياريت ترد عليا انا سهران دا عباره عن موقع تخسيسبس مش عارف زى ما انت بتقول ولا لا وهى بتشك انه ممكن يكون على الشبكه معاها لانها فصلت الارجيه بتاعه من السويتش وهو بيكلمها النت فصل عنده وهى بتقول ان الشخص دا مهندس كمبيوتر

هو صراحه حضرتك انا مش بفتح مواقع انا شاكك فيها فمش هقدر اشوف الموقع اللي انته بعته

وكمان انا شلته من المشاركة ليكون في حاجه

المهم اتاكد تاني من ان كان علي الشبكة لان فر برامج اختراق الشبكه ملهاش حل لحد دلوقت

وحلولها طفيفه فاتاكد الاول من وجوده علي الشبكة وانها تفصل عنه مره تانيه وشوف هيفصل ولا لا

ولادام هو مهندس كمبيوتر وبيعمل كدا يبقي اكيد عارف باص الروتر وفاتح فيه بورت وساحب سرعه الشبكة
منهم لله
فياريت تتاكد الاول من وجوده علي الشبكة او لا لان لو مش علي الشبكة
تكتفي انك تنزل نسخه وتستخدم برنامج حمايه كويس يمكن يحمي مع اني اشك
ومتقبلش حاجه من حد تاني

اما لو علي الشبكة يبقي فيها كلام تاني هيخرق مره واتنين وتلاته

يعنى بالنسبه ليا انا الحل فى النسخه الجديده بس انما هى هيبقى فى مشاكل لو هو على الشبكه معاها
اوك
شكرا ياعمرو تعبتك معايا ولو فى جديد هبقى اقول لك
تصبح على خير

ولا يهمك انا موجود في اي وقت

واسال اللي عاوزه وان شاء الله هتلاقي الاجابة

شكرااااا يا عمروو علي المعلومات دي

جااااااااااري اختراق الاجهزه