شباب تجارة احلى شباب


رباعيات صلاح جاهين

شاطر

serine_emi
عضو
عضو

انثى
عدد الرسائل : 6
العمر : 31
الكلية التى ينتمى اليها : تجارة شعبة لغة
الفرقة الدراسية : خريجة
احترام العضو لقوانين المنتدى :
0 / 1000 / 100

sms : النص
نقاط : 32420
تاريخ التسجيل : 02/01/2009

رباعيات صلاح جاهين

مُساهمة من طرف serine_emi في السبت يناير 24, 2009 10:45 pm


1
عجبى
عجبى عليك عجبى عليك يازمن
يا ابو البدع
يا مبكى عينى دماَ
ازاى انا اختار لروحى طريق
و انا اللى داخل فى
الحياه مرغماً
عجبى
حاسب من الاحزان و حاسب
لها حاسب على رقابيك من حبلها راح تنتهى
و لابد راح تنتهى مش انتهت احزان من قبلها
عجبى
مرغم عليك يا صبح مغصوبيا ليل لادخلتها برجليه ولا كان لى ميل
شايلنى شيل دخلت انا فى الحياه و بكره هخرج منها شايلنى شيل
عجبى
ياسك و صبرك بين ايديك و انت حر تياس ما تياس الحياه راح تمر
انا دقت من ده و من ده عجبى لقيت الصبر مر و بردك الياس مر
يا باب أيا مقفول إمتى الدخول
صبرت ياما و اللي يصبر ينول
دقيت سنين و الرد يرجع لي مين
لو كنت عارف مين أنا كنت أقول
عجبى


2
دخل الشتا وقفل البيبان عالبيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت ترفض تموت
عجبى


3
دخل الربيع يضحك لقانى حزين
نده الربيع على اسمى لم قولت مين
حتى الربيع ازهاره جنبى و راح
و ايش تعمل الازهار للميتين
عجبى
الدنيا من غير الربيع ميته
ورقة شجر ضعفانه و مفتته
لا يا جدع غلطان تأمل وشوف
زهر الشتا طالع في عز الشتا
عجبى


4

انا شاب لاكن عمرى ولا الف عام
وحيد ولاكن بين ضلوعى زحام
خايف ولاكن خوفى منى انا
اخرس ولكن قلبى مليان كلام
عجبى
لو فيه سلام في الأرض وطمان و أمن
لو كان مفيش و لا فقر و لا خوف و جبن
لو يملك الانسان مصير كل شئ
ده انا كنت اجيب للدنيا ميت ألف ابن
عجبى


5

سهير ليالي و ياما لفيت وطُفت
و ف ليه راجع في الضلام قمت شفت
الخوف كأنه كلب سد الطريق
و كنت عاوز أقتله بس خفت
عجبى
ولدي نصحتك لما صوتي اتنبح
ما تخفش من جني و لا من شبح
و ان هب فيك عفريت قتيل إسأله
ما دافعش ليه عن نفسه يوم ما اندبح
عجبى



6

يا طير يا عالي في السما طظ فيك
ما تفتكرشي ربنا مصطفيك
برضك بتاكل دود و للطين تعود
تمص فيه يا حلو و يمص فيك
عجبى
انا قولت كلمه و كان لها معنين
كما بطنت واحده و تؤامين زين شين
لو دنيا شر التؤام الخير يموت
ولو دنيا خير الشر هيعيش منين
عجبى عجبى

7
لا تجبر الانسان ولاتخيره
تكفيه ما فيه من عقل بيحيره
اللى انهارده يطلبه يرضاه
هوه اللى بكره هيشتهى يغيره
عجبى
عبسا بقول و اقرا فى سوره عبس
متلومشى حد ان ابتسم او عبس
فى ناس تقول الهزل يطلع جد
وناس تقول الجد يطلع عبس
عجبى
يا عندليب متخفش من غنوتك
قول شكوتك و احكى على بلوتك
الغنوه مش هتموتك
انما كتم الغنا هوه اللى هيموتك
عجبى


8
تسلم يا غصن الخوخ يا عود الحطب
ييجي الربيع تطلع زهورك عجب
تسلم يا غصن الخوخ يا عود الحطب
ييجي الربيع تطلع زهورك عجب
و انا ليه بيمضي ربيع وييجي ربيع
و لسه برضك قلبي حتة خشب
عجبى


9
كرباج سعاده وقلبي منه انجلد
رمح كأنه حصان و لف البلد
و رجع لي اخر الليل و سألني
ليه خجلان تقول انك سعيد يا ولد
عجبى
غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون
و ليه رسمت ورده وبيت و قلب و علم
عجبى


10
قالوا الشقيق بيمص دم الشقيق
والناس ما هياش ناس بحق وحقيق
قلبي رميته وجبت غيره حجر
داب الحجر ورجعت قلبي رقيق
عجبى
ياللي انت بيتك قش مفروش بريش
تقوي عليه الريح يصبح ما فيش
عجبي عليك حواليك مخالب كبار
و مالكش غير منقار و قادر تعيش
عجبى


11

إنشد يا قلبي غنوتك للجمال
و ارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبى
اهوا الهوا و همس الهوا فى العيون
وبسمه المغرم و دمعه الحنون
وزلزلات الهوا نهد الصبى
اكون انا المحبوب او لا اكون
عجبى


12
جالك أوان ووقفت موقفت وجود
يا تجود بده با قلبي يا بده تجود
ما حد يقدر يبقى على كل شئ
مع إن عجبي كل شئ موجود
عجبى
أنا اللي بالأمر المحال اغتوى
شفت القمر نطيت لفوق فالهوا
طلته ما طلتوش إيه انا يهمنى
وليه ما دام بالنشوة قلبي ارتوى
عجبى


13
غمض عينيك و ارقص بخفة خفه و دلع
الدنيا هيه هيه الشابة وانت انت الجدع
تشوف رشاقة خطوتك تعبدك
لكن انت لو بصيت لرجليك تـقع
عجبى


14
عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى متنطق كلام
ده اللى ميتكلمش يا كتر همه
عجبى
العشب طاطا للنسايم و نخ
أخضر طرى مالهش في الحسن أخ
عصفور عبيط عبيط انا غاوى بهجه و غنا
ح انزلهنا و انشا لله يهبرنى فخ
عجبى


15
إنسان أيا إنسان ما أجهلك
ما أتفهك فى الكون و ماأضألك
شمس وقمر وسدوم وملايين نجوم
وفاكرها يا موهوم مخلوقة لك
عجبى
فتحت شباكى لشمس الصباح
ما دخلش منه غير عويل الرياح
و فتحت قلبي عشان ابوح بالألم
ما خرجش منه غير محبه وسماح سماح
عجبى


16

ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا ديماً بحور
أعدى بحر آلاقي غيره اتحفر
عجبى
بحر الحياه مليان بغرقا الحياه
صرخت خش الموج في حلقي ملاه
قارب نجاه صرخت قالوا مفيش
غير بس هو الحب بس هو الحب قارب نجاه
عجبى


17
زحام و أبواق سيارات مزعجة
اللى يطول له رصيف يبقى نجا
لو كنت جنبى يا حبيبى أنا
مش كنت أشوف إن الحياة مبهجة
عجبى
يا ميت ندامه ع القلوب الخلا
لا محبة فيها و لا كراهه ولا
يا ميت ندامه ع القلوب الخلا
لا محبة فيها و لا كراهه ولا
حتي يا قلبى الحزن ما عادش فيك
معلهش معلهش لك يوم برضه راح تتملا
عجبى



18

حبيت لكن حب من غير حنان
وصاحبت لـكن صحبه مـالهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى
آه آه لو انا و محبوب جزنا الفضا
في سفينة وحدينا واشيا رضا
ساعة صفا تعجبنا نرجع لها
و الهم قبل ما ييجي يبقي مضـى
عجبى
ورا كل شباك آلف عين مفتوحين
وانا وانت ماشيين يا غرامي الحزين
لو التصقنا نموت بضربة حجر
ولو افترقنا نموت متحصرين
عجبى


19
أنا كنت شئ و صبحت شئ ثم شــئ
شوف ربنا قادرعلى كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبى


20
أنا قلبى كان شخشيخة أصبح جرس
جلجلت به صحيوا الخدم والجرس
أنا المهرج قمتو ليه خفتو ليه
لا فى إيدى سيف ولا تحت منى فرس
عجبى اييييييييييييييه
بليتشو قال ايه بس فايده فنونى
وتلت وقق مساحيق بيلونونى
و الطبل و الزمامير وكتر الجعير
اذا جنون زبونى زاد عن جنونى
عجبى


21
يا حزين يا قمقم تحت بحر الضياع
حزين أنا زيك وإيه مستطاع
الحزن ما بقالوش جلال ياجدع
الحزن زى البرد زى الصداع
عجبى
الضحك قال يا سم عتكشير
امشير و طوبه ولا ربيعى بشير
مطرح ما بظهر بنتصر على عدم
ان شاله ان شاله ان شاله اكون رسمايه بالطباشير
عجبى عجبى


22
أيوب رماه البين بكل العلل
سبع سنين مرضان وعنده شلل
الصبر طيب صبر أيوب شفاه
بس الأكادة مات بفعل الملل
عجبى
علم اللوع اضخم كتاب في الأرض
بس اللي يغلط فيه يجيبه الأرض
أما الصراحة فأمرها ساهل
لكن لا تجلب مال ولا تصون عرض
عجبى


23
سمعت نقطه ميه جوه المحيط
بتقول لنقطه ماتنزليش فى الغويط
أخاف عليكى م الغرق قلت انا
ده اللى يخاف م الوعد يبقى عبيط
عجبى
أنا قلبى كوره والفراودة أكم
ياما اتنطح وانشاط وياما اتعكم
واقول له كله حينتهى فى الميعاد
يقول بساعتك ولا بساعت الحكم
عجبى



24
خوض معركتها زي جدك ما خاض
صالب و قالب شفتك بامتعاض
هي كده ما تنولش منها الأمل
غير بعض صد ورد ووجاع مخاض
عجبى
اوقات أفوق ويحل عني غبايا
واشعر كأني فهمت كل الخبايا
و افتح شفايفي علشان هقول الدرر
ما أقولش غير حبة غزل في الصبايا
عجبى
ولدي إليك بدل البالون ميت بالون
انفخ وطرقع فيه علي كل لون
عساك تشوف بعينك مصيرالرجال
المنفوخين في السترة و البنطلون
عجبى


25
ياللي نصحت الناس بشرب النبيت
مع بنت حلوه وعود وضحك وحديت
مش كنت تنصحهم منين يكسبوا
تمن ده كله و الا يمكن نسيت
[b]
avatar
دكتور اسماعيل عصر
هيئه تدريس
هيئه تدريس

ذكر
عدد الرسائل : 623
العمر : 69
الكلية التى ينتمى اليها : التجارة
الفرقة الدراسية : استاذ جامعى
احترام العضو لقوانين المنتدى :
100 / 100100 / 100

sms : النص
جامعة : المنوفية
نقاط : 33020
تاريخ التسجيل : 03/11/2008

رد: رباعيات صلاح جاهين

مُساهمة من طرف دكتور اسماعيل عصر في السبت يناير 24, 2009 11:57 pm

ياللي نصحت الناس بشرب النبيت
مع بنت حلوه وعود وضحك وحديت
مش كنت تنصحهم منين يكسبوا
تمن ده كله و الا يمكن نسيت

مجموعة ممتازة من رباعيات المبدع صلاح جاهين
avatar
السحيـ mohammed ـمى
عضو فعال
عضو فعال

ذكر
عدد الرسائل : 196
العمر : 27
الكلية التى ينتمى اليها : التجاره
الفرقة الدراسية : الثانيه
احترام العضو لقوانين المنتدى :
0 / 1000 / 100

sms : النص
نقاط : 32383
تاريخ التسجيل : 06/01/2009

رد: رباعيات صلاح جاهين

مُساهمة من طرف السحيـ mohammed ـمى في الأحد يناير 25, 2009 10:12 am

على فكره انا من الناس اللى بتحب الفنان الشاعر الراحل صلاح جاهيــــــن جدا وبعتبره بصراحه مثلى الاعلى فى الكتابه
شكرا ليكى يا سيرين


السحيـ mohammed ـمى
avatar
HeNrY
مرشح مشرف
مرشح مشرف

ذكر
عدد الرسائل : 590
العمر : 29
احترام العضو لقوانين المنتدى :
0 / 1000 / 100

sms : النص
نقاط : 33180
تاريخ التسجيل : 18/10/2008

رد: رباعيات صلاح جاهين

مُساهمة من طرف HeNrY في الثلاثاء يناير 27, 2009 12:36 am

avatar
YoPpA
عضو نشيط
عضو نشيط

ذكر
عدد الرسائل : 294
العمر : 27
الكلية التى ينتمى اليها : تجارة
الفرقة الدراسية : 2
احترام العضو لقوانين المنتدى :
0 / 1000 / 100

sms : البلوزات ف الطالع والبنطلونات ف النازل وياترى ايه اللى هيحصل تانى
نقاط : 33050
تاريخ التسجيل : 31/10/2008

رد: رباعيات صلاح جاهين

مُساهمة من طرف YoPpA في الثلاثاء يناير 27, 2009 4:10 am

الله على الابداع
شكرااااااااااااا
avatar
Mr.M.O
عضو
عضو

ذكر
عدد الرسائل : 15
العمر : 26
الكلية التى ينتمى اليها : تجاره السادات
الفرقة الدراسية : الاولي
احترام العضو لقوانين المنتدى :
0 / 1000 / 100

sms : طول عمر التجاره شطاره
جامعة : السادات
نقاط : 31990
تاريخ التسجيل : 14/02/2009

رد: رباعيات صلاح جاهين

مُساهمة من طرف Mr.M.O في الثلاثاء فبراير 17, 2009 11:19 am

الابداع هو جاهين

    الوقت/التاريخ الآن هو السبت نوفمبر 18, 2017 7:27 pm