الحقيقة يا شباب فكرة الموضوع ده استلهمناها من موضوع رائع ومتكامل قدمه مشرفنا اوباما على المنتدى
الموضوع كان بعنوان
كيف تستطيع ان تنشئ مشروعك
وهذا هو رابط الموضوع
لقراءة موضوع كيف تنشئ مشروعك اضغط هنا
الموضوع كان عبارة عن تقريبا كل خطوات التخطيط للمشروع بداية من الفكرة مرورا بالتخطيط المالي ودراسات الجدى وغيره
فا احنا فكرنا اننا نحاول نطبق عملي هنا
وبما اننا يا شباب كلنا بنفكر فى المستقبل وبنفكر ازاى نبنى مستقبلنا وبنفكر ازاى يبقى عندنا المشروع الخاص بينا
وبنفكر وبنفكر وبنفكر
هنا بقى هنفكر سوا وهنحاكي خطوات انشاء مشروعات
يعنى هنبدا مع بعض نفكر فى كل خطوات المشروع من أول الفكرة لحد الأجراءت القانونية
وهنعتبر بعض كلنا على المنتدى شركاء في المشروع وفريق عمل واحد
يعني مثلا نبدا بالخطوة الاولى وهي الفكرة
كلنا نشارك و نطرح أفكار للمشروع ونناقش افكار بعض
لحد ما نوصل للفكرة الافضل
وبعد كده نتنقل للخطوة التانية مثلا المكان و نحاول كلنا نختار المكان وننقاش سوى كل الأماكن المطروحة
وهكذا
اتمنى ان الموضوع ينال مشاركتكم معانا
