أاااااااااااااااااااه ياغزة

اه يا غزة والف اه *** من حصار فرضوه غزاة

اه يا غزة بالنهار *** كل ثانية ضرب نار

والعدو بيدبح ولادك *** مش مكفيه الحصار

اه يا غزة فى العشية *** صرختك عالية وجلية

اه يا غزة فى الليالى *** اللى جالك بردو جالى

اللى جالك حزن خيم *** ع الحدود و ع المخيم

اه يا غزة لم تنامى *** اسهرى عدى الاسامى

كام شهيد وكام شهيدة *** راحوا فى الغارة الجديدة

اه يا غزة اه يا عزة *** اه يا الامنا الشديدة

اه يا غزة من جراحك *** تنزفى ابيات قصيدة

تنشريها فوق خطاكى *** والنهاية مش سعيدة

النهاية فى البداية *** والبداية فى النهاية

ابتديتى بالجراح *** واستمرت الحكاية

الحكاية ان اللى حاكم *** زيه زى كل حاكم

اسمه زيد ولا اسمه مرسى *** ارتضى يقعد فى كرسى

اه يا ما اكتر الكراسى *** كله قاعد فوقها راسى

بس يظهر انه ناسى *** ان اخوه عمال يقاسى

اه يا غزة من اللى باعوا *** شبعوا بعد ما ياما جاعوا

واللى يشبع بعد جوعه *** يتعمى ويقطع دراعه

لم يشوف احزان فى غزة *** لم يشيل عنك يا غزة

اه يا غزة يا عروسة *** يوم زفافها موتوها

موتوا اخواتها وعريسها *** موتوا خالها وابوها

موتوا الفرحة فى طرحة *** بالقنابل دمروها

اه يا غزة اسمعيها *** اهه من قلبى الحزين

اهه من قلب المحارب *** اهه من قلب الجنين

اهه من احزان ولادك *** اهه م الضفة وجنين

اهه من بيروت و صيدا *** من شوارع دير ياسين

اهه من بغداد وكركوك *** اهه من صلاح الدين

اهه من الكويت وسوريا *** من قطر وم البحرين

اهه من مكة ومدينة *** خير خير المرسلين

اهه مصرية بتصرخ *** صرخة بكت كل عين

اهه من كل البلاد *** من قلوب كل الولاد

اهه من قلبى انا *** اهه من ابنك ضناكى

اه يا غزة اه يا غزة *** الف الف اه يا غزة

اه والف اه على العرب

موضوع جميل

شكرا لردودكم الجميلة
بجد متشكرة علي متابعتكم لمواضيعي
ساتقدم بكم وبوجودكم معي

موضوع جميل